За проектот

“Live and Let Bee” е проект кој се фокусира на холистичкото добро за пчелите, а не на луѓето кои ги користат пчелните производи. Еден од првите показатели за еколошка деградација и проблемите во природата е негативниот ефект врз пчелното население. Глобалните климатски промени, загадувањето на животната средина, намалувањето на природните територии под притисок на човекот ги ослабуваат пчелите и ги прават поподложни на болести. И кога сметате дека синтетичките хемикалии понекогаш погрешно и непотребно се употребени од страна на фармерите и пчеларите, од прекумерното и непотребно лекување на кошницата/колонијата, може да се разбере сериозноста на опасноста со која се соочуваат пчелите.

Пчелите не прават само мед, туку и обезбедуваат производство на две третини од храната потребна за да се одржат безброј живи суштества преку опрашувањето на растенијата. Намалувањето на пчелното население неповратно ја оштетува рамнотежата на природата и ја загрозува нашата храна. Затоа, од исклучително значење е да се информираат сите сегменти на општеството за моменталната состојба на пчелите, да се подигне свеста и да се развие одржлива земјоделска политика во однос на пчеларството.

Со Live and Let Bee: Обука за еколошко пчеларство, финансирана од програмата Еразмус + на Европската унија, имаме за цел да ги поддржиме пчелите, кои се едни од најважните елементи на екосистемот, да се спречи практиката која им штети на пчелите и ширење на подобри методи кои би можеле да се практикуваат од сите, без разлика дали се урбани или рурални.

ПРОЕКТНИ АКТИВНОСТИ